كلمتين عن حياتي الشاعر ياسر العشري

#‏كلمتين_عن_حياتي‬
نفسي اقولهم من "زمان"
انتي شايفه فيا واحد
قلبو طيب بس جاحد
ومش بعيد تكوني شايفه
اني انا ندل وجبان
كنتي دايما جنب مني
وكنت انا على طول بعيد
كنت ببعد حتى عني
والمسافات دايما تزيد
كنتي بتحاولي تشوفيني
زي اسمي على طول سعيد
اسمعييني انتي انهارده
واحكمي على الى كان
كلمتين عن حياتي
نفسي اقولهم من زمان
انتي صح ف كل حاجه
وكل حاجه مش حقيقه
ايوا انا انسان اناني
وانتي الانسانه "البريئه"
دورى على حد تاني
يتلخص ف جملتين
حد يفهم لون عيونك
حد مستحيل يخونك
حد يقدر انو يصونك
ومش هما دول الكلمتين
نفسي اقولك بس حاجه
هتفهميها ، افهميها
ايوا انتي عندي حاجه
صعب حتى تقيميها
قصتي انا قبل ماكتب
عارف انك هتشوفيها

قصتي زي الغروب
لاهي صبح ولا حتى ليل
صعب حد يشوف ف عيني
اي دمعه " ‫#‏مستحيل‬"
كل دمعه طالعه منها
قلبي عارف ايه تمنها
كلمة وفي الاخر سلام
صعب اعبر بالكلام
عن حد عايش بس صوره
حد عايش ع الى فات
اسف ف التعبير لكنه
قلب كان عايش ومات
حد دموعه غالياعنده
بس هو مش جبان
كلمتين عن حياتي
ونفسي اقولهم من زمان
ايوا ببكي بس لما
تتقفل كل البيبان
عايزة ايه من حد دايما
يشكي همه للحيطان.!