انا مش هعيش لحد غيرك الشاعر ياسر العشري

انا مش هعيش لحد غيرك
"متبيعيش"
كل حاجه بعد منك
"متســــاويس"
القصايد ، والكلام
حتى وائل لما غنى
غنى ليكي
لمين هعيش؟
خلاص هتنسي وتبعدي
مش قولت ليكي متبعديش؟
انا كنت شايلك جوا عيني
تعوضيني عن سنيني
كنت خايف لاتسبيني
واديكي "سبتي"
مش بايدي ان قلبي
لما حب ، حبك "انتي"
قبل ماتمشي طب قوليلي
انا ايه عملت؟
لاعمري مره قسيت عليكي
ولا حتى خونت
طب ذنبي ايه
ماتقوليلي لمين "هعيش"
معقول قدرتي تحبي تاني
هو قلبي "مكفاكيش"
ايوا قلبي كتير بينسى
بس انتي "متتنسيش"